ვაშლის ღვეზელი ჯემით

დიდ თასში ჩაცერით ფქვილი და შუაში გააკეთეთ ჩაღრმავება.

ამ ჩაღრმავებაში მოათავსეთ მარილი, კვერცხი, დაჭრილი კარაქი და შაქარი. ხელით კარგად აზილეთ.

მოზილეთ ცომი. თუ ზედმეტად მშრალი იქნება დაუმატეთ ცოტაოდენი წყალი ან რძე. გააკეთეთ დიდი გუნდა, გადაახვიეთ საკვების შესაფუთ ცელოფანში და შედგით მაცივარში სულ მცირე 1 საათით.

წინასწარ გააცხელეთ ღუმელი 180 C-ზე.

ღვეზელის ძირის გასაკეთებლად ცომის ნახევარი წრიულად გააბრტყელეთ და მოათავსეთ მრგვალ საცხობ ლანგარზე.

ცომი ჯემით ამოავსეთ და ზემოდან გათლილი და თხლად დაჭრილი ვაშლი მოალაგეთ.

გააბრტყელეთ დარჩენილი ცომი და დაჭერით 1 სმ სიგანის ზოლებად.

ზოლები ზემოდან ისე გადაადეთ ღვეზელს, რომ მართობულად კვეთდნენ ერთმანეთს (იხ.სურათი).

თავზე გადაუსვით ცოტაოდენი რძე ან კვერცხის გული. აცხვეთ 30–40 წუთით. მიირთვით ცხელი ან თბილი.