მსხლის ნამცხვარი

გაახურეთ ღუმელი 180°C-მდე. დააფინეთ პერგაამენტი (კალკა) 20 სმ. დიამეტრის საცხობ ფორმაზე (მოსახსნელძირიან) და წაუსვით კარაქი.

წინასწარ გამზადებული მწიფე, გათლილი, თესლგამოცლილი და დაჭრილი მსხალი ჩააწყვეთ თასში ლიმონის წვენთან და ლიქიორთან ერთად, რათა ფერი არ დაკარგოს. ჩაცერით ფქვილი და გამაფხვიერებელი სხვა თასში, დაამატეთ მწიკვი მარილი და შაქარი. შემდეგ შეათქვიფეთ კვერცხი და გამდნარი კარაქი. ბოლოს შეურიეთ მსხალი თავისი წვენით.

მიღებული მასა ჩაასხით საცხობ ფორმაში და აცხვეთ 50 წუთის განმავლობაში, ან მანამ, სანამ ჩარჭობილ კბილის ჩხირს სუფთას არ ამოიღებთ.

გამომცხვარი მსხლის ნამცხვარი გადადგით რკინის ცხაურზე და გააცივეთ ფორმაშივე, ფრთხილად მოაცალეთ პერგამენტი.

გლაზურის გასაკეთებლად გაალღვეთ გარგარის ჯემი ერთ სუფრის კოვზ წყალთან ერთად და გაატარეთ საცერში კოშტების მოსაშორებლად. შემდეგ გადაუსვით ნამცხვარს, მოაფრქვიეთ პუდრა და მიირთვით თბილი კრემ ფრეშთან ერთად, რომელიც ამ ნამცხვარს ძალიან უხდება.