მარტივი საზაფხულო სუპი

საშუალო ტემპერატურაზე დიდ ქვაბში ჩაასხით ზეითუნის ზეთი, ჩაყარეთ ხახვი და ნიორი და თუშეთ 3–4 წუთით. დაუმატეთ დაჭრილი კარტოფილი და შეაზავეთ მარილითა და პილპილით. დააფარეთ და თუშეთ კიდევ 4–5 წუთით. დაუმატეთ სიმინდის მარცვლები (ნაწილი მოსართავად გადაინახეთ) და კარგად ამოურიეთ.

დაუმატეთ ბულიონი და რძე, დააფარეთ და წამოადუღეთ. შეამცირეთ ტემპერატურა და ხარშეთ კარტოფილების დარბილებამდე. სუპის ¾ ნაწილი ერთგვაროვანი მასის მიღებამდე დააბლენდერეთ. შემდეგ ისევ ქვაბშივე ჩაასხით და დაბალ ტემპერატურაზე შესქელებამდე, დაახლოებით 10 წუთით ადუღეთ. მორთეთ დაჭრილი მწვანე ხახვით, გადანახული სიმინდის მარცვლებითა და შავი პილპილით. კარგი ფერისათვის მოაყარეთ ცოტაოდენი პაპრიკა.