- კულინარიული აღმოჩენების დროა!
- ჩაინიშნეთ და შეაფასეთ საყვარელი რეცეპტები
- გაუზიარეთ სხვებსაც საკუთარი კულინარიული შემოქმედება
გააკეთეთ ბადაგი შინ და მოამზადეთ ისეთი გემრიელი ტკბილეულები როგორიცაა ფელამუში, ჩურჩხელა და ტკბილი კვერი :)
დაგვჭირდება 5 კგ მწიფე თეთრი ყურძენი (გამოვა დაახლოებით 2 ლიტრი ბადაგი).
ყურძენი გარეცხეთ და მოაშორეთ ყუნწები.
საწური დიდ თასზე შემოდგით, ზედ ყურძნის მარცვლები მოათავსეთ და დაჭყლიტეთ.
დაჭყლიტეთ და გაწურეთ ისე, რომ საწურზე მხოლოდ ყურძნის კანი და კურკები დარჩეს. მიაშველეთ ხელიც და გაწურეთ ყურძენი ბოლომდე.
წვენი დიდ ქვაბში გადაიტანეთ და საშუალო ტემპერატურაზე წამოადუღეთ. შეამცირეთ ტემპერატურა და ადუღეთ დაბალ ცეცხლზე 3 საათით. წვენი ცოტათი შემცირდება. ამ გზით მივიღებთ შაქრის(ფრუქტოზის) 60 % შემცველობას.
თვალყური ადევნეთ დუღილის პროცესს და ზედაპირზე წარმოქმნილი ქაფი ქაფქირით მოაშორეთ.
სამ საათიანი დუღილის შემდეგ წვენი შემცირდება. ბადაგი მთელი ღამით ქვაბში გააჩერეთ, შემდეგ გაატარეთ საცერში და წვენი თასში მოათავსეთ.
ჩაასხით ქილებში და მოხუფეთ. შეინახეთ მშრალ და გრილ ადგილას. გამოიყენეთ ფელამუშის, ჩურჩხელის ან ტკბილი კვერის მოსამზადებლად.
კომენტარები
ბოლოს განთავსებული
კატეგორიები
მსგავსი რჩევები
