კალაბაშის ჰალვა

პირველ რიგში გარეცხეთ, გათალეთ და გახეხეთ 300 გრამი კალაბაში. (კალაბაშს არ უნდა ჰქონდეს მომჟაო ან მომწარო გემო, ასეთი კალაბაში არ გამოგადგებათ). უნდა მიიღოთ კარგად გავსებული 2 ჩაის ჭიქა გახეხილი კალაბაში.

გააცხელეთ ღრმა ტაფა ან საშუალო ზომის ქვაბი. ქვაბში მოათავსეთ კარაქი, ცოტა ხანში დაუმატეთ გახეხილი კალაბაში და მოშუშეთ დაბალ ან საშუალო ცეცხლზე. ხშირად ურიეთ.

როგორც კი კალაბაში ტენიანობას დაკარგავს, დაუმატეთ ნახევარი ლიტრი რძე. ხარშეთ რძის წამოდუღებამდე და რამოდენიმეჯერ ამოურიეთ. როდესაც რძე ადუღდება, ყურადღებით იყავით, რომ არ გადმოვიდეს და აქტიურად ურიეთ მანამ, სანამ რძის 3/4 (75%) არ დაშრება.

შემდეგ დაუმატეთ შაქარი, კარდამონის ფხვნილი 1/2 ჩ/კ ან 5-6 მარცვალი და წვრილად დაჭრილი თხილი (ნუში ან/და ქეშიუ - ინდური თხილი). ურიეთ სანამ მასა შესქელებას არ დაიწყებს.

როდესაც ჰალვა კარგად გამოშრება, გადმოდგით ცეცხლიდან და დაუმატეთ ქიშმიში (არ არის სავალდებულო). გაალამაზეთ თხილის მარცვლებით, მიირთვით ცხლად ან გააგრილეთ. დარჩენილი ჰალვა შეინახეთ მაცივარში.