სტაფილოს ნამცხვარი

გააცხელეთ ღუმელი 175C გრადუსამდე(350F). მოაცხეთ ცხიმი(კარაქი) და მოაყარეთ ფქვილი 22.5×32.5სმ ზომის საცხობ ფორმას.

დიდი ზომის თასში კარგად გათქვიფეთ 4 კვერცხი, ზეთი, 2 ჭიქა შაქარი და ვანილის ექსტრაქტი. მეორე თასში ერთმანეთს შეურიეთ ფქვილი, სოდა, საცხობი ფხვნილი, მარილი და დარიჩინი. ჩაუმატეთ ეს მშრალი მასა კვერცხის მასას პირველ თასში და კარგად შეურიეთ(კვლავ გამოიყენეთ მიქსერი). ბოლოს ჩაუმატეთ 3 ჭიქა გახეხილი სტაფილო(მიიღებთ 6-8 საშუალო ზომის სტაფილოს გახეხვით) და თხილი(სურვილისამებრ). მოურიეთ, რომ კარგად შეერიოს. გადაიტანეთ ფორმაში და აცხვეთ 40-50 წუთის განმავლობაში. გამოცხობის შემდეგ ნამცხვარი ჯერ ფორმაშივე გააცივეთ 10 წუთით და შემდეგ მოათავსეთ ცხაურზე კარგად გასაცივებლად.

ერთად გათქვიფეთ ოთახის ტემპერატურის კარაქი და ნაღების ყველი. ჩაუმატეთ შაქრის ფხვნილი, ვანილის ექსტრაქტი და თქვიფეთ ერთგვაროვანი კრემისებრი მასის მიღებამდე. გადაანაწილეთ კრემი კარგად გაცივებულ ნამცხვარზე და მოაყარეთ ზემოდან თხლად დაჭრილი თხილი/ნუში/ნიგოზი(სურვილისამებრ). P.S. სცადეთ ქიშმიშითაც ;)