საუკეთესო რბილი ბრაუნი

წინასწარ გააცხელეთ ღუმელი 175 C-ზე.

მოუსვით ცხიმი 20 სმ ზომის კვადრატულ საცხობ ლანგარს და დააფინეთ პერგამენტი.

საშუალო ზომის თასში აურიეთ გამდნარი კარაქი, ზეთი და შაქარი. თქვიფეთ კარგად 1 წუთის განმავლობაში. დაუმატეთ კვერცხი და ვანილი. თქვიფეთ გაღიავებამდე (კიდევ ერთი წუთით).

ჯამშივე ჩააცარით ფქვილი, დაუმტკბარი კაკაოს ფქვნილი და მარილი. მშრალი ინგრედიენტები კარგად შეურიეთ ჯამში მასას. (ზედმეტად ნუ ათქვეფთ).

ცომი წინასწარ გამზადებულ ლანგარზე დაასხით და ზედაპირი თანაბრად მოასწორეთ.

დატეხეთ 1 ცალი შოკოლადის ფილა და ნატეხები ცომზე მოალაგეთ.

აცხვეთ 20–25 წუთით, ბრაუნის შუაგულის გამყარებამდე.

ღუმელიდან გამოიღეთ და ოთახის ტემპერატურაზე გააგრილეთ. დაჭერით 16 ნაჭრად და გემრიელად მიირთვით.