ამარეტო

ამ რეცეპტის მიხედვით შეგიძლიათ მოამზადოთ გემრიელი და ცნობილი ალკოჰოლური სასმელი “ამარეტო” მხოლოდ ერთ საათში! ქალბატონებო, ეს თქვენს მეუღლეებს ნამდვილად ესიამოვნებათ…

ინგრედიენტები:

• 1 ჭიქა წყალი
• 1 ჭიქა თეთრი შაქარი
• 1/2 ჭიქა ყავისფერი შაქარი
• 2 ჭიქა არაყი
• 2 სუფრის კოვზი ნუშის ექსტრაქტი
• 2 ჩაის კოვზი ვანილის ექსტრაქტი

პირველი ეტაპი:
ქვაბში ჩაასხით წყალი, ჩაყარეთ ორივე სახის შაქარი და დადგით საშუალო ცეცხლზე. წამოდუღებისთანავე, როდესაც შაქარი წყალში სრულად გაიხსნება, გადმოდგით ცეცხლიდან და დაელოდეთ, სანამ გაცივდება (დაახლოებით 10 წუთით).

მეორე ეტაპი:
მიღებულ სიროფს ჩაუმატეთ არაყი, ორივე სახის ექსტრაქტი. ეს ნარევი მოათავსეთ შუშის ბოთლში და დალუქეთ. ნახევარ საათში 3 ჭიქა ამარეტო თქვენს განკარგულებაშია.